Milliy qadriyatlarimizni e’zozlash va ma’naviy merosimizni keng targ‘ib etish bugungi kunning dolzarb vazifalaridan biridir. Shu munosabat bilan Jondor tuman Axborot-kutubxona markazida xodimlari ish kunini o‘zbek xalqining bebaho merosi bo‘lgan milliy liboslarda boshlashdi.AKM xodimlari bugungi kunda unutilmas an’analarni jonlantirish, milliy madaniyatimizni targ‘ib qilish maqsadida atlas, adras va boshqa milliy matolardan tikilgan liboslarda mijozlarga xizmat ko‘rsatishdi. Ayollar nafis va zamonaviy uslubda tikilgan liboslarda namoyon bo‘lishgan bo‘lsa, erkaklar do‘ppilarda faoliyat yuritishdi.
